巴塞遇見「性感女神」

保寶達人上星期同一位保險業嘅老友吹水,聽佢分享今個月初去巴塞隆拿,出席佢所屬跨國保險公司活動時嘅見聞。據佢形容,當晚會場內衣香鬢影,個個都打扮得型英帥靚正,但台上有位靚女司儀特別亮眼,睇真啲原來係而家播緊嗰套電視劇嘅女主角「金鈴」!

友人話「金鈴」真人靚過上鏡好多,而佢當然亦有把握機會同伊人Selfie啦。宴會之後仲有人發現「金鈴」同佢好姊妹應屆視后「亞里」一齊孖公仔行街Shopping添!不過當時無乜人發現,因為兩位伊人都素顏上陣。睇返娛樂新聞,原來佢哋兩個一向好fd,仲約埋一齊去歐洲旅行咁話。

 

之後友人再爆料,佢話呢間保險公司搞呢次活動,原本一早搵咗「心心」BB做司儀,但4月初爆發「的士事件」之後,公司高層即刻要求換人,結果先由第二次幫呢間公司做活動司儀嘅「金鈴」頂上。

 

保寶達人 – 為您八盡保險天下事

 

更多保寶達人手記Click Here