大灣區跨境保險商機不是夢

上星期有一單新聞，就係內地再拍板落實16項惠港措施，包括「豁免港人在大灣區9城買樓限購條件」、「探索建立跨境理財通機制」等，後者對於保險業都幾吸睛，因為日後當制度成功出台，香港同大灣區內地城市嘅居民，就可以好方便咁購買對方市場嘅理財產品。長遠嚟睇，如果大灣區發展繼續向實現跨境理財互通嘅目標邁進，咁之前業界提出過嘅「保險通」甚至「牌照互通」，話唔定都有機會實現。

唔知大家有無留意，上星期仲有內地保險公司推出咗第一款粵港澳大灣區跨境醫療保險產品，受保人唔單止可以用內地北上廣三地醫院睇症，仲可以選擇到香港指定私立醫院治療，醫療費用仲可以直接由保險公司支付，客戶唔使自己俾咗先，之後再報銷咁麻煩。

至於產品係邊間公司嘅就唔開名喇，有興趣自己搵吓。其實重點想講市場上終於出現名正言順嘅跨境保險產品，對實現大灣區內「保險通」絕對係一個好開始。

跨境理財通利業界發展

上星期仲有一單新聞，就係內地再拍板落實16項惠港措施，包括「豁免港人在大灣區9城買樓限購條件」、「探索建立跨境理財通機制」等，後者對於保險業都幾吸睛，因為日後當制度成功出台，香港同大灣區內地城市嘅居民就可以好方便咁購買對方市場嘅理財產品。更長遠去睇，如果大灣區發展繼續向實現跨境理財互通嘅目標邁進，咁之前業界提出過嘅「保險通」甚至「牌照互通」，話唔定都有機會實現。

港保險產品受內地歡迎

大灣區市場有成7,000萬人，對香港保險業嚟講真係極大嘅潛在商機。香港嘅保險制度同醫療服務水平一向深得內地民眾支持，未有大灣區概念之前，已經有好多內地居民來港買保險。未來喺發展互聯互通嘅大方向下，以醫療保險作為起點，相信跨境投保只會愈來愈方便，係香港保險界千載難逢嘅機遇。不過，內地保險產品同樣會進化，香港從業員要保持不斷提升嘅心態，加強專業性同內地嘅人脈網絡，因為無論邊度嘅人都一樣，都希望有信得過嘅專家幫自己。

近一兩年，保寶達人識得唔少保險業界資深人士同大隊長，都嘗試用唔同途徑同內地有關方面聯繫，雖然距離兩地金融機關有實際行動仲有排等，但先透過民間平台加深中港保險業界嘅交流同經驗分享，絕對係應該多做嘅事。

保寶達人 – 為您八盡保險天下事

更多保寶達人手記Click Here