中咗「武漢肺炎」 危疾保有得賠嗎？

早排本港出現多宗疑似「武漢新型肺炎」個案，雖然後來證實唔係，但係面對新型傳染病威脅都係小心為上。咪住，保險就係為咗未知嘅危險做準備，一旦中咗新型不明肺炎，醫療相關保險例如危疾保障有無得賠呢？

早排本港出現多宗疑似「武漢新型肺炎」個案，雖然後來證實唔係，但係面對新型傳染病威脅都係小心為上。咪住，保險就係為咗未知嘅危險做準備，一旦中咗新型不明肺炎，醫療相關保險例如危疾保障有無得賠呢？

答案可以係「有」，亦可以係「無」，要睇吓投保人買咗邊隻危疾保。通常投保人只要確診疾病清單上嘅危疾，就可得到一筆過嘅賠償。而家大部分危疾產品都會保50種以上嘅疾病，當中有啲Plan甚至保超過160種。由於病毒不停變種，為咗保持市場競爭力，危疾保障嘅範圍亦要適時Update。

定義危疾係賠償關鍵

好喇，咁中咗未知嘅嚴重疾病又點呢？危疾保險條款其實都幾複雜，對危疾嘅定義，唔同保單都會有所不同，而賠定唔賠嘅關鍵，就在於點樣證明呢種未知疾病符合危疾嘅定義。市面上部分危疾計劃有條款，只要有兩名醫生證明投保人因患上不明嚴重疾病，喺6個月或12個月內會死嘅話，理論上係有得賠嘅。

如果唔想咁複雜，可以留意市面上賣緊有隻「變種危疾」Plan，簡單嚟講係直接以生活受到嘅衝擊作為主要保障準則，即係話唔理乜嘢病，總之符合幾個指定條件，包括住院天數、手術麻醉嘅程度、停工停學嘅周數等，就可以獲得賠償。一旦中咗武漢肺炎，都好大機會要住一排醫院甚至喺深切治療部留醫，前後有兩個月要停工休息，咁理論上係可以獲得賠償。

揀啱危疾保減經濟負擔

危疾要睇條款，咁醫療費用實報實銷嘅醫療保險又點呢？對於新型變種肺炎呢類高危傳染病，多數會由政府醫院高度集中處理，醫療費用多數唔使擔心。講到尾，無論武漢肺炎、癌症、中風定心臟病，突如其來嘅惡疾除咗帶嚟身心傷害之外，亦會造成沉重嘅經濟負擔，如果財政能力ok，最好都係揀一隻啱自己需要嘅危疾保啦！

保寶達人 – 為您八盡保險天下事

更多保寶達人手記Click Here