保險公司人事異動 高層前綫際遇大不同

近幾期都講同武漢肺炎(新型冠狀病毒)有關嘅保險產品,今次不如轉吓話題,同大家八卦吓保險業嘅人事轉變!

從上年下半年開始,唔少中港保險公司都作出高層人事調動,雖然新聞多,但有唔少其實係某某離開A公司,之後轉去B公司。其實保險同其他行業都一樣,班高層都係玩「音樂椅」 ——同一班人轉來轉去。有保險大隊長認為,每次轉人都會引發Agent轉職潮,因為一定會有人拉隊跟高層走去新公司。但亦有大隊長表示不以為然,一來跟老細「跳槽」唔係咁簡單,通常都係去比較新公司「搭棚」做「開荒牛」,新公司要求通常唔會低,跑數壓力有增無減;二來各大保險公司近年興「鬥多人」,但係市場上邊有咁多「行家盤」所以招聘方針變成以「全新人」為主。

 

鬥人多要靠「Organic

 

近年各大寶號請前Agent,都打正旗號以「Organic為主,即係專請剛畢業本地大學生、非本地畢業生(IANG同埋未做過保險轉行人士。好似有位大隊長佢間公司就相當進取,上年一共請67千個新人,當中99都係「Organic」,唔少仲係有碩士甚至博士學歷IANG

 

講起IANG,主力做內地生意大隊長就話有隱憂,當然早排社會事件同最近新型冠狀病毒,短期「冰封」內地客生意衝擊係好大,但更加令佢擔心係,長遠IANG願意留香港發展,因為粵港澳大灣區政策鼓勵人才流動,最新政策鼓勵香港IANG高材生去深圳工作取得居住證,對於有興趣做金融科技相關工作年青人,深圳肯定係更好選擇,咁就變相搶走唔少有潛質新保險專才。

 

勿為求生意作短視行為

保寶達人就覺得,有無經驗唔係最重要,面對逆境有堅強意志同負責任態度先至緊要。保險業往往係「先危後機」,當社會個個人心惶惶時候,短期生意當然會受影響,但千祈唔好為做到生意危言聳聽甚至網上發表一不恰當言論,呢係非常短視行為,最後只會自食其果!

 

保寶達人 為您八盡保險天下事

更多保寶達人手記Click Here