【保寶達人】大台《X張》御用保險大隊長 背後有苦自己知

唔知大家有冇發覺，最近無論去到邊啲商業場合，每次當有人提到有嘢要投訴，一定會有人話不如去搵某電視台《x張》。咁的確又係，《x張》今年非常入屋，收視長期高企，最近仲擴張到串流收費平台，實行24小時直播咁話！

對於各行各業嘅企業，對《x張》簡直係又愛又恨，愛係佢收視高，落廣告多人睇，恨就唔使講，畀佢哋報道得唔慌好嘢，保險公司當然亦唔例外，相信行家都記得有經已淡出幕前嘅藝人，上《x張》控訴銀行違規保費融資，雖然單嘢其實唔關保險公司事，但一般市民未必識咩係保費融資，一聽係保單就入保險公司數，所以呢單嘢成功打響頭炮，其實同保險公司無咩關係。之後仲有零星一、兩單Case，所以而家喺保險聚會場合，聽到《x張》嘅頻率都相當高。

大家有所不知，其實有位大隊長同《x張》多次交手，雙方有來有往，但凡係關保險事，製作組都會請教呢位大隊長，以專業角度為個案提供多一個觀點。有次大隊長飲咗兩杯，有感而發咁話，有幾次經過多番周旋，投訴最後不成立，但呢類Case通常都唔會播出嚟，咁當然就無人知，不過成個調查同溝通嘅過程一啲都唔簡單，每一步都要步步為營，過程有幾驚心動魄，真係有苦自己知。不過佢話可以為行業做返啲嘢，「減低」一眾行家喺《x張》嘅曝光率，幾辛苦都係值得嘅！

保寶達人 – 為您八盡保險天下事

更多保寶達人手記Click Here

任何於本文章的評論或意見純屬來自個別嘉賓/隊長等，並未代表保協之立場。