當人人都話經濟差有錢人點解仲買保險？

根據保監局臨時統計數字，2025年香港長期業務新造保單保費高達3,300億元，創下歷史新高，按年升幅超過五成。

當唔少人仲諗緊點樣慳錢之際，市場上卻有大量資金流入保險市場。究竟高資產人士睇中嘅係乜？答案係，佢哋買嘅唔只係回報，更係一份穩定感！

一般人買保險，可能最關心幾時回本、回報有幾高。但對於資產較多嘅人士嚟講，保障同規劃往往比短期回報更重要。

近年環球市場變化頻繁，由利率走勢到地緣政治，都增加咗投資市場嘅不確定性。喺呢種環境下，部分投資者會將保險視為整體財務規劃嘅一部分，希望透過較穩定嘅安排，為自己同家人建立保障。特別係具備儲蓄、身故保障同財富傳承功能嘅保單，近年持續受到市場關注。

另一方面，過去幾年，高息存款吸引咗唔少資金。不過，隨住息率變化，部分投資者開始重新部署。現時不少儲蓄及分紅保單提供港元、美元、人民幣、英鎊等貨幣選擇，方便客戶因應未來需要調整配置。

對有海外升學、移民、投資或跨境生活需要嘅家庭嚟講，呢種靈活性具有一定吸引力。比起頻繁買賣外幣，不少人更傾向透過長線規劃分散風險。

除咗保障同資產配置，財富傳承亦係近年保險市場增長嘅重要原因。部分新一代儲蓄保單設有保單分拆、更換受保人等安排，讓持有人可以按家庭需要作出規劃。對於希望將資產有系統地傳承下一代嘅家庭嚟講，保險逐漸由保障工具，演變成財富管理方案之一。

所以簡單嚟講，3,300億元新造保費創新高，反映市場仍然有大量資金尋求長線部署。

當外界集中討論經濟放緩同消費疲弱時，另一邊廂，部分投資者正透過保險重新規劃資產配置、家庭保障同財富傳承。

呢組數據未必代表所有人都應該買保險，但至少反映出一個事實，就係喺充滿不確定性嘅年代，愈來愈多人願意為未來做好準備，而唔係單純等待機會出現。

保寶達人 – 為您八盡保險天下事

更多保寶達人手記Click Here

任何於本文章的評論或意見純屬來自個別嘉賓/隊長等，並未代表保協之立場。