保協生命傳愛慈善跑2017

有日靚女top agent同事「A」與保寶大少在茶水間閒談。A問：「大少你知唔知乜嘢係而家最潮？」走在時代尖端的我，當然答：「唔知啊~~」扮唔知，聽下佢點講先。

A：「梗係跑步啦，又夠台型又keep到fit！」

我：「咦，咁就啱喇！如果可以跑步，又可以做善事，係咪更加潮爆先！由LUA同保協慈善基金聯合主辦嘅保協生命傳愛慈善跑2017就啱晒你！今屆嘅受惠機構係香港器官移植運動協會，同時支持器官捐贈同保單捐贈兩項有意義嘅主題。」

A：「咁你報咗名未？」

我：「梗係啦，我仲會同一位器官捐贈嘅受惠者一齊跑，非常有意思，你都快啲上網報名啦！我哋做呢行，最緊要就係幫到人架嘛，仲可以帶埋你啲屋企人、客戶、朋友一齊跑，推廣呢項咁有益身心嘅又有意義嘅運動！」