【保寶達人】2024年後保險中介人牌照費用無得再豁免？

第五波疫情影響下，有唔少人都想入行做保險，但首先要過到考試呢一關，唔係話Pass唔到，而係之前疫情咁嚴峻，連考試都取消晒。不過好彩上星期保監局通知可以用遙距考試作為應變措施嘅備用方案，推行遙距監考應考模式考試（遙距考試）。等住入行搵食嗰班，終於唔使喺度乾等！

過到考試就到申請牌照，喺疫情下有監管機構豁免牌照費，好似證監會之前就寬免所有中介人同持牌人士由2021年4月1日到2022年3月31日期間嘅牌照年費，證監牌講緊每類受規管活動千幾二千蚊，計落條數都唔細。

至於保險中介人，有無發現好少人會提起保險中介人牌照費用，因為喺保監局新嘅保險中介人監管制度下，頭5年（2019年9月23日至2024年9月22日）嘅牌照申請費用會獲得豁免，即係申請牌照免費。講真只係需要畀幾百蚊考試費就可以掛牌，聽落都幾吸引。

不過咁，牌照費用豁免期完咗之後又點呢？保寶達人就相信好大可能要收返牌照申請費，有大隊長就估計2024年後大家十之八九要畀錢做保險中介人牌照登記，同埋如果有留意保監局嘅收支，都知佢哋成立初期開支好大，所以大家都要有定心理準備！

咁當然牌照要收費絕對係天經地道，因為其他金融發牌機構都係一樣，而且監管機構的確有好多工作要做，而且以一個正常嘅角度去睇，畀少少錢攞個牌或者續個牌應該都唔會係一個大嘅問題啦！

保寶達人 – 為您八盡保險天下事

更多保寶達人手記Click Here