【保寶達人】MDRT加2024年業績要求 保險業終於有運行？

「百萬圓桌」（MDRT）會員資格係公認嘅保險從業員精英其中一個指標，亦可謂係身份嘅象徵。其實MDRT業績要求年年都唔同，而且每個國家或地方都唔一樣，而近幾年受疫情影響，MDRT業績要求亦顯著回落，不過早排2024年業績要求出咗之後，好多行家就覺得係咪代表保險業終於有運行？

唔似得香港地嘅交通費用，MDRT嘅業績要求真係可加可減，主要係反映出行業市況，好似喺疫情前最好景嘅日子，2020年香港區MDRT會員要求，如果以FYC計，就要大約55萬港元。去到今年2023年呢一屆，FYC只需要大約42萬港元，對比高峰期減咗成10幾萬。

不過，睇返早排公布嘅2024年MDRT香港區嘅最新業績要求，FYC要有成44.4萬港元先可達標，比上一年度加咗兩萬幾，但碰著中港終於通關，相信唔少行家都有信心可以達標，特別係疫情前攞開MDRT嘅IANG。隨住內地訪客相隔三年後重臨，MDRT圈子相信又會再度熱鬧起來。

最後再畀多少少資料大家，香港區嘅MDRT要求其實喺亞洲區算係高，同行業發展成熟嘅日本睇齊，而大家又知唔知同香港好近嘅澳門同大灣區（即係中國區）嘅要求又係幾多呢？一樣可以係計FYC，2024年度澳門區要求約33萬澳門幣，而中國內地FYC只係接近22萬人仔，計返匯率都只係25萬港元左右。

保寶達人 – 為您八盡保險天下事

更多保寶達人手記Click Here

任何於本文章的評論或意見純屬來自個別嘉賓/隊長等，並未代表保協之立場。