【保寶達人】「港車北上」申請懶人包點買內地車保最方便？

申請資格？

1）持有有效香港居民身份證；2）持有有效回鄉證； 3）須為申請私家車的登記車主；4）指定司機需持有香港駕駛執照及內地駕駛證（如申請人屬其中一名指定司機）

如何遞交申請？

現時只能喺網上遞交申請，每個工作日只接受200個申請（第二個星期起加至300個），所以第一步係先入系統登記抽籤，抽中先正式遞交申請同上載文件。

申請費用多少？

香港運輸署會收「封閉道路通行許可證」費用，每張每年$540港元或每月$45港元。

需要驗車嗎？

需要，申請港車北上嘅登記車輛，需要喺完成初步審批後，將車送到指定驗車地點進行驗車，現階段只得一間位於元朗嘅跨境車輛驗車中心。

點買內地車保？

透過「等效先認」可以喺現有香港汽車保險上附加內地汽車保險，車主可以向香港保險公司投保「等效先認」保單，受保範圍就會包括內地法定汽車第三者責任保險。當然，申請人亦可自行向內地保險公司投保車保。

有效期幾耐？

申請獲批之後，「電子牌證」有效期同車輛保險有效期一致，但最長唔超過1年。

需要預約出行？

由於每日有限額，獲發港車北上電子牌證嘅申請人要每月月中喺網上預約下一個月嘅指定時段出行。

需要掛內地車牌嗎？

「港車北上」車輛唔需要掛內地車牌。

保寶達人 – 為您八盡保險天下事

更多保寶達人手記Click Here

任何於本文章的評論或意見純屬來自個別嘉賓/隊長等，並未代表保協之立場。