【保寶達人】投保前嘅體檢對投保有無影響？

定期做身體檢查係非常好嘅習慣，絕對值得鼓勵，不過如果未買醫保，預先走去做體檢嘅報告，如何處理先至係恰當？如處理不當代價可以非常大，而且係無得返轉頭。

站在保障角度，投保和身體檢查嘅先後次序唔可以錯，因為體檢會令自己健康風險暴露，因為一發現有問題，就算係一啲普通巿民認為好輕微嘅組織增生，保險公司都會因為潛在風險增加而有機會唔會就該器官提供保障，就算想再投保其他保險產品，都有機會要加保費甚至被保險公司拒保。

大隊長之前亦見過有客戶，諗住搵間細體檢中心做身體檢查，睇吓自己係咪真係有啲咩唔妥，有先至即刻去買醫療保險但唔申報，諗住投保後好快就可以申請賠償。大家千祈唔好咁諗！保險公司點會唔知有人會咁做，其實佢哋理賠時都會進行調查，尤其係買完醫保冇耐就申請索償嘅個案。記住任何紀錄都會留低喺呢個世界上，呢類個案，往往到最後保險公司都係拒絕賠償，到時就算上埋電視都未必有用！

所以恰當處理投保前嘅體檢報告係買單嘅時候，一定要如實提供自己身體健康狀況嘅報告，尤其如果喺曾經做過體檢就一定要如實告知，咁樣當需要申請理賠時將會順利好多。

記住，如果投保前做咗體檢，知道有大病就一定去搵醫生，如果投保，就必需以誠信嘅角度向保險公司申報健康狀況。保險永遠都係未雨綢繆，記住要趁後生、趁健康時買，就有備無患啦！

保寶達人 – 為您八盡保險天下事

更多保寶達人手記Click Here

任何於本文章的評論或意見純屬來自個別嘉賓/隊長等，並未代表保協之立場。