【保寶達人】保協經典50年 為業界出心又出力

保寶達人有幸獲邀出席「保協50載晚宴暨MTA頒獎典禮」，見證香港人壽保險從業員協會（保協）金禧里程碑成就解鎖。晚宴喺灣仔會展會議廳舉行，筵開超過50席，場面非常墟冚，仲好有愛添！

一個協會能夠行到50年，真係好難得，保協會員人數仲一路上升，而家有成近17,000人，成為全港會員人數最多嘅保險業組織。有咁嘅成績，背後係好多人嘅努力同貢獻，所以今次晚宴邀請一眾保協前會長出席，一齊見證金禧，業界翹楚同新晉菁英濟濟一堂，場面真係好有愛。

保寶達人認識好多行業協會，其中保協比較特別，除咗恒常會議同年度活動，每年都搞至少一、兩樣新項目，好似呢幾年就有保協新星獎、卓越誠信顧問大獎（MTA）等等，其中MTA就挑選出一班兼具卓越業績、高尚品格及專業服務嘅保險從業員，向大眾宣傳正面專業嘅形象，成為保險業喺誠信方面嘅「門面擔當」。

保協近年仲好積極為業界向監管機構發聲，例如作為「壽險行業規管與發展關注組」（ICG）當然委員，喺ILAS改革為同業爭取合理權益，當電視台收到保險投訴個案，又會分享專業意見咁，堅持為業界出心、出力兼出時間，所以先凝聚到咁多人支持。

保協亦好早就開始部署粵港澳大灣區發展，好似今年初恢復通關，就率先組成「保險業第一團」北上交流同考察，喺嚟緊8月31至9月1日，保協會再舉辦保險業灣區交流團，有咗第一團嘅經驗，今次行程編排得更加好，相信團友一定獲益良多。

除咗支援業界，保協仲好關心社會，設立保協慈善基金同鼓勵會員參與公益事務，「生命傳愛行動」（LCM）就係一個好好嘅例子，透過推動「生命教育」同「保單捐贈計劃」，體現人壽保險「遺愛人間」嘅核心價值。

保寶達人 – 為您八盡保險天下事

更多保寶達人手記Click Here

任何於本文章的評論或意見純屬來自個別嘉賓/隊長等，並未代表保協之立場。