【保寶達人】保監局領導班子將呈現新面貌

早前獲政府委任「冧莊」多三年嘅保監局行政總監嘅張雲正，今個月初喺出席香港金融科技周論壇嗰陣提到，大灣區風險池規模（Risk Pool）係香港嘅8倍，而整個內地嘅風險池更加係香港嘅800倍，所以認為香港保險業仲有非常巨大嘅風險池可以發掘。

風險池喺用來管理風險同維持保險市場穩定嘅工具。2015年12月成立嘅保監局亦係因為維持本港保險市場平穩發展而應運而生，分階段負責接手監管本港保險公司同保險中介人，管理好來自行業、產品及從業員操守等方面嘅風險。

保監局運作就快差唔多8年，睇返現屆成員，自從負責監管壽險公司嘅執行董事（長期業務）許美瑩，同監管非壽險公司嘅執行董事（一般業務）林瑞江，雙雙喺今年6月任期屆滿後離任，兩大保險市場監管部門的主管職位一直從缺到而家，保監局成員名單當中，就只有張雲正一個執行董事。

當然，之前兩位執行董事離任，保監局已開始就相關職位空缺展開公開招聘，聽聞最近經已請到人，究竟新執董人選有冇張雲正咁有魄力，就睇下幾時有最新公布啦！

保寶達人 – 為您八盡保險天下事

更多保寶達人手記Click Here

任何於本文章的評論或意見純屬來自個別嘉賓/隊長等，並未代表保協之立場。