【保寶達人】重收保險中介人牌照費 $2,100續3年收費合理嗎？

各位行家知唔知2024年9月23日係咩日子？之唔係保險中介人要重新畀錢續牌嘅日子！如果基本牌照（一般保險+長期業務包括投連險）齊備，係要畀$2,100續3年牌。

保監局剛成立時，頭5年（2019年9月23日至2024年9月22日）嘅保險中介人牌照申請費用會獲得豁免，即係申請同續牌都係免費，講真5年免費都算幾筍。

而家3年收2,100元包晒基本牌照，除開一年700元，消息一出即時引起行內談論，有啲人即刻牙痛咁聲，因為新收費比以往高出一截，喺2019年9月23日之前，3年牌只係收$480。

但係保監局就表示新收費唔算貴，因為同類金融類牌照，好似證監持牌代表牌每年每類盛惠$1,790、地產代理牌（個人）就要$2,010一年。

保寶達人就覺得，除開700蚊一年，唔係一個大數目，但好多持牌人都會諗畀多咗錢背後嘅價值係咩，所以有人有意見都正常。另外，唔好忘記行內仲有一班唔係好Active嘅持牌人，佢哋有啲只係當保險係兼職，如果要畀多咗錢Keep住個牌，佢哋未必願意。

截至2023年9月底，持牌個人保險中介人數目有近11.3萬人，睇吓之後會唔會有明顯下跌。

保寶達人 – 為您八盡保險天下事

更多保寶達人手記Click Here

任何於本文章的評論或意見純屬來自個別嘉賓/隊長等，並未代表保協之立場。