新年利是變魔法！3招教出精明小理財家

講返轉頭，其實利是錢就係一個好好嘅「教材」。小朋友平時對大人講嘅理財道理可能係左耳入右耳出，但一講到利是錢，應該會比較上心！所以呢，今次等我同大家分享下，點樣可以將利是錢變成一個生動有趣嘅理財課堂。

首先，小朋友收到利是，相信不少人都會想即刻去買自己鍾意嘅嘢！呢個時候，我哋可以同佢地玩個「錢罌分類遊戲」。方法就係準備3個錢罌，分別寫上「儲蓄」、「使費」同「分享」，等佢地自己諗下點樣分配。好似我個保寶仔仔話要買遊戲機，咁就可以同佢計吓要儲幾多個月先夠錢，等佢明白儲蓄係為咗實現目標。

講到使費，梗係要教識佢地分清楚「想要」同「需要」。好似小朋友話要買新書包，咁就可以問吓佢：「舊書包爛咗未？真係需要買過個新？定係純粹因為見到個新款靚？」等佢地慢慢學識分析同判斷。

最緊要嘅係分享嗰部分。記得上年我帶個保寶仔仔去賣旗，佢見到有老婆婆捐錢，自己都主動拎啲利是錢出嚟，仲話：「媽咪，我都想幫人㗎！」睇到佢咁有同理心，真係好開心。

最後提提各位家長，千祈唔好過份「保護」細路，唔俾佢地接觸金錢。相反，要俾佢地有機會自己試，等佢地慢慢學識負責任。就算有時揀錯咗，買咗啲無謂嘅嘢，都係一個好學習機會。等佢地感受吓「花錢容易，儲錢難」嘅道理。

農曆新年就到，不妨今年趁呢個機會，等我哋一齊將利是錢變成人生第一課，等細路仔學識點樣做個精明嘅理財達人…

保寶達人 – 為您八盡保險天下事

更多保寶達人手記Click Here

任何於本文章的評論或意見純屬來自個別嘉賓/隊長等，並未代表保協之立場。