保險公司遷冊同你有關？行業前景你點睇？

之前同大家講過保監局公布嘅2024年臨時統計數字，見到香港保險業去年表現似乎唔錯，相信對業界嚟講絕對係好消息。而最近又有另一條好消息，就係特區政府推出咗公司遷冊制度後，已經有保險公司率先話會將公司註冊地由外國搬返香港。很多人會預料呢個決定唔單止係生意上嘅考慮，仲係對香港作為國際金融中心投下信心一票！

保監局透露，原來唔少海外註冊喺香港有規模嘅保險公司，一直期待呢個制度出爐。保險公司揀香港做大本營，除咗營運上嘅好處外，仲係因為睇好粵港澳大灣區帶嚟嘅機遇。呢個趨勢真係為香港保險業打咗一支強心針！

你可能會問：「保險公司搬返香港，對我哋投保人有咩影響呢？」有保險公司就話，遷冊過程唔會影響公司喺法律實體嘅持續性、組織架構或日常運作。hl所以對公司嘅保單持有人、分銷商或業務夥伴嘅現有權利同義務都唔會有影響，所有現行協議同承諾將繼續有效。

相反，遷冊其實仲有唔少好處㗎！有保險公司代表解釋，遷冊唔只係行政上嘅小變動，而係公司喺香港扎根嘅大動作。搬返香港之後，公司喺匯報同監管嘅流程會簡單啲，有助加強營運協調，呢啲策略性改變肯定幫到公司喺香港長遠發展。另一方面，有關決定仲反映保險睇好香港穩健嘅金融生態，覺得香港喺區內保險樞紐同全球風險管理中心嘅潛力無限！咁你話對於廣大投保人嚟講係咪好事？

有業內人士亦都指出，新制度可以幫跨國保險公司簡化監管同財務責任，等佢哋有更大空間優化服務，滿足本地市場需求。而家國際金融市場競爭咁激烈，香港要保持優勢，就一定要不停創新。隨住更多有利業界發展嘅新措施措出台，加上業界嘅創新意念同服務，相信行業嘅發展會愈嚟愈好。而作為行業嘅一份子，唔知大家對行業嘅發展又點睇呢？

保寶達人 – 為您八盡保險天下事

更多保寶達人手記Click Here

任何於本文章的評論或意見純屬來自個別嘉賓/隊長等，並未代表保協之立場。