環球市場政策轉變保險業下一片藍海係？

近日內地稅務部門加強執行境外保單相關稅務安排，向居民就境外保單所產生嘅部分收益按20%稅率徵稅，涉及保單股息及預繳保費利息等。這項稅務安排本身並非新規定，但執法力度加強，仍然觸動市場神經。消息傳出後，部分在港上市嘅保險股股價均有明顯波動。

過去，唔少內地客戶來港投保，睇中嘅相信唔只係保障，亦包括多元貨幣、財富管理及資產配置等需要。如今稅務成本及合規考慮增加，投保決定自然要重新計數。問題係，香港保險業會否因此步入寒冬？

答案自然係：未必。

真正值得關注嘅，反而係市場能否藉此重新尋找增長模式。保監局早已提出業界需要分散對內地訪客市場嘅依賴，拓展更多海外市場，包括東南亞及中東等地。對香港這個國際金融中心而言，客源多元化本來就係合理不過嘅事。

說到底，將雞蛋放在同一個籃子裏，始終有風險。過去幾年內地客帶來嘅高速增長，令業界受惠，但當外圍政策改變，單一客源嘅風險亦隨之浮現。與其等風頭過去，不如趁市場轉身之際，重新檢視產品、服務和專業能力。

另一邊廂，科技亦在改變保險業嘅玩法。有保險公司近年已積極發展金融科技及區塊鏈應用，並提出以數據、人工智能及區塊鏈推動新一代數碼金融服務。這顯示保險業面對嘅轉型，並唔只係客源改變，支付、營運及客戶體驗同樣正在重寫。

風浪過後，才睇得出誰真正站得穩。今次稅務風波未必係香港保險業嘅終點，反而可能成為一次重新洗牌嘅機會。過去靠單一市場高速增長嘅日子或者逐步告一段落。未來真正比拼嘅，係從業員嘅專業、合規能力、產品配置，以及服務國際客戶嘅本領。

市場變了，玩法也要變。與其等下一陣順風，不如自己揚帆。

保寶達人 – 為您八盡保險天下事

更多保寶達人手記Click Here

任何於本文章的評論或意見純屬來自個別嘉賓/隊長等，並未代表保協之立場。