保險科技10大趨勢　　

有報告指金融科技會為保險業帶來最大衝擊，所以孻妹一直都好關心保險科技嘅發展。最近，孻妹睇到一篇文章講到保險科技嘅10大趨勢！身為保險行業一分子嘅您又知唔知？

呢幾年，各國政府同企業都熱烈探討金融科技嘅應用同影響，孻妹亦一樣。早喺2015年發布「金融服務業的未來──破壞性創新如何重塑金融服務業結構、供應及消費」報告，更預視咗金融科技會為保險業帶來最大衝擊。

而孻妹不時都會追睇資深嘅InsurTech投資人、金融科技資訊網站Daily FinTech聯合創始人Rick Huckstep撰寫有關保險科技嘅文章。今日我特別想同大家分享一下佢之前分析今年10大保險科技趨勢而寫嘅一期文章，名叫《10 Insurtech Trends at the insurance Crossroads 2018》。雖然2018年已經過咗大半年，但都可以睇下大家有冇跟貼呢個行業大趨勢！

趨勢1：自動化將會取代保險價值鏈中的人力

呢一點對保險業嘅影響可以話係最大，因為保險業目前大部分運作仍然係採用緊傳統方式。文章提到，當人工智能可以好好咁完成對接工作嘅時候，客戶對人的依賴會愈嚟愈少，亦傾向得到更多數字化體驗。

趨勢2：數據洞察個人風險，實現高度個性化保費

喺數據大幅增長同技術支持下，個人風險狀況自然可以更好咁計算同反映出嚟，保險費亦可變得高度個性化。因此，未來數據科學將會成為保險業者與精算師嘅法寶。

趨勢3：區塊鏈時代開始，相關技術將從試驗轉變成商業模式

現時好多大型保險公司都會投入區塊鏈計劃。雖然依家嘅規模、性能同安全性方面仍有問題需待解決，但相信解決方案好快就會出現，並喺複雜、全球性嘅批發、商業、再保險業務等後台技術出現重大突破。

趨勢4：InsurTech將於2020年成為主流，數位品牌湧現

保險科技初創公司喺世界各地湧現，而保險公司亦會通過投資、合作和收購擁抱保險科技。呢點促使市場上有更多全新數字品牌相繼成立，但要完全改變舊有業務，仍需時間。

趨勢5：生活化數位應用程式，將改變保險公司和受保人之間的關係

客戶購買保險時，生活類App可成為令客戶安心嘅工具。對於保險公司而言，可以更深入地了解客戶的行為，實現信息風險評估同個性化保費，同時有助建立品牌忠誠度。

趨勢6：一站式保險普及

保險公司可以為個人嘅日常生活細節，如車、家庭、健康、旅行、寵物同財務，提供總體嘅保單規劃，客戶喺調整保單範圍上可以有更好嘅靈活度。

趨勢7：新模式將挑戰傳統的保險價值鏈

數碼經濟模式下，保險會嵌入生活產品或透過生態系統分銷，令傳統保險模式不再有效，而今時今日保險業價值鏈上冗餘的分層都將顯現。

趨勢8：Lemonade布局保險科技2.0

作者指好多初創公司都聲稱重新定義或重塑保險，但事實上做唔到。而p2p保險初創公司Lemonade就成功定義了保險科技2.0，因Lemonade可以喺短時間以租房保險同住宅保險產品覆蓋全美國約50%人口。作者預計未來好多公司會跟隨Lemonade嘅做法，但未必一樣成功。

趨勢9：理賠可自動化、自助式和快速付款

過往保險公司處理索賠過程都需要大量人力成本，而且整個理賠過程漫長。自動化、自助式和快速付款會解決以上問題。

趨勢10：技術防損將成為保險產品關鍵特徵

技術的進步令預測事件嘅能力有所提升，例如感應器、手機設備等都可以收集用戶個人規範嘅數據。而人工智能可令風險管理不再被動，保險業喺呢方面有更多嘅機遇。