保險營銷新陣地？社交媒體應用心法

小紅書、Facebook、抖音……社交媒體世代，保險營銷似乎迎來新機遇。唔少從業員蠢蠢欲動，想分一杯羹。但究竟社交媒體營銷是福是禍？又有咩要注意？ 

社交媒體係保險營銷新藍海？

對保險從業員而言，擴大客源十分重要。社交媒體用戶基數龐大，看似是個理想號嘅推廣平台。加上直播、短視頻等形式興起，似乎為保險營銷開闢了新天地。但大家唔好唔記得，機遇與風險往往並存。

有位資深保險經理分享過佢嘅經歷：一個自稱從Facebook認識她嘅「準客戶」主動聯絡佢，聲稱想買保險。但當佢追問呢名準客戶身份和相關資料時，對方支支吾吾，還堅持要喺咖啡店見面而不願到公司。另外，又話自己係本地人想買重疾保險！呢位經理聽到重疾呢個好少港人用嘅叫法，加上對方點都唔願意去佢公司辦公室，已經深信事情並唔簡單。而的確喺佢再三追問下，呢位準客戶亦無再回覆。這類案例其實並唔罕見，同時揭示社交媒體營銷帶來嘅隱憂。

至於另一位行業領袖就提醒，除咗要小心喺社交媒體遇到騙徒，仲要小心出post、發帖文時內容踩過界，就好似早幾年疫情期間，有保險代理透過個人社交媒體帳戶發放訊息，鼓勵其通訊錄中朋友從湖北省來香港以避開疫情及向他購買保險。最終，該代理嘅行為引起多宗投訴，其委任保險公司更終止合作。

由此可見，社交媒體固然可以幫從業員接觸更多客群，擴闊客戶網絡，但大家喺當中所講嘅嘢同現實一樣，都係要負責，唔好諗住講得誇張少少，吸引他人係好小事。小心隨時弄巧成拙。咁究竟保險中介人點樣先可以善用社交媒體呢？以下有幾個大家可以參考下：

1. 知識分享為主：與其硬推銷產品，不如分享理財知識、市場資訊。等客戶覺得你係專業可靠嘅顧問，咁有需要時自然會搵你。

2. 建立個人品牌：打造專業形象，等人記住你係做保險嘅，但唔好成日喺度sell嘢。

3. 重視人脈轉介：真正嘅生意機會往往來自實名推薦。一個真實客戶介紹，勝過一千個fans。

4. 堅持見面溝通：網上可以講初步，但一定要約見面詳談。因為保險係複雜嘅產品，需要深入了解客戶需求先可以建議合適方案。

正如有位90後保險顧問就分享話：「我起初都以為用社交媒體一定可以帶動生意，可以接觸好多客戶。但係試過之後發現，喺網上搵到嘅客戶好多都係問下價錢，之後就無下聞。反而透過現有客戶介紹嘅，成功率高好多。」

所以話，社交媒體唔係萬能。佢最多係一個輔助工具，幫你展示專業形象同知識。真正嘅保險事業，仲係要靠紮實嘅專業知識同誠懇嘅服務態度。如果你都想喺社交媒體做保險營銷，記住以下呢句：「社交媒體係其中一種做生意途徑，但唔係捷徑。」善用佢嚟建立形象、分享知識冇問題，但千祈唔好當佢係速成方程式呀！

保寶達人 – 為您八盡保險天下事

更多保寶達人手記Click Here

任何於本文章的評論或意見純屬來自個別嘉賓/隊長等，並未代表保協之立場。